ഡി​ഗ്രിയുണ്ടോ? സർക്കാർ സർവീസിൽ സ്ഥിര ജോലി നേടാം; സെക്രട്ടറിയേറ്റ് അസിസ്റ്റന്റ് വിജ്ഞാപനെത്തി

കേരള പബ്ലിക് സർവീസ് കമ്മീഷൻ ഇപ്പോൾ വിവിധ സർക്കാർ വകുപ്പുകളിലേക്കുള്ള അസിസ്റ്റന്റ് തസ്തികയിലേക്ക് വിജ്ഞാപനം വിളിച്ചു. 

ഗവൺമെന്റ് സെക്രട്ടേറിയറ്റ്/കേരള പബ്ലിക് സർവീസ് കമ്മീഷൻ/ അഡ്വക്കേറ്റ് ജനറൽ ഓഫീസ് (എറണാകുളം)/ സംസ്ഥാന ഓഡിറ്റ് വകുപ്പ്/ വിജിലൻസ് ട്രൈബ്യൂണലിന്റെ ഓഫീസ്/ അന്വേഷണ കമ്മീഷണറുടെയും പ്രത്യേക ജഡ്ജിയുടെയും ഓഫീസുകളിലേക്ക് അസിസ്റ്റന്റ് നിയമനമാണ് നടക്കുന്നത്. ഉദ്യോഗാർഥികൾക്ക് പിഎസ് സി വെബ്‌സൈറ്റ് മുഖേന ജനുവരി 29ന് മുൻപായി അപേക്ഷിക്കാം. 

ഒഴിവുകൾ

കേരളത്തിലുടനീളം റിപ്പോ‍‍ർട്ട് ചെയ്യപ്പെട്ട ഒഴിവുകളിലേക്ക് സ്ഥിര നിയമനമാണ് നടക്കുക. 

കാറ്റഗറി നമ്പർ: 576/2024

ശമ്പളം എത്ര ? 

ജോലി ലഭിച്ചാൽ 39,300 രൂപയാണ് തുടക്ക ശമ്പളമായി ലഭിക്കുക. ഇത് പിന്നീട്  83,000 രൂപ വരെ ഉയരും. മാത്രമല്ല സർക്കാ‍ർ വകുപ്പുകളിൽ ലഭിക്കുന്ന മറ്റ് ആനുകൂല്യങ്ങളും ലഭിക്കും. 

ആർക്കൊക്കെ അപേക്ഷിക്കാം ? 

18നും 36നും ഇടയിൽ പ്രായമുള്ളവരായിരിക്കണം. ഉദ്യോഗാർഥികൾ 02.01.1988നും 01.01.2006നും ഇടയിൽ ജനിച്ചവർക്ക് അപേക്ഷിക്കാം. സംവരണ വിഭാ​ഗക്കാർക്ക് നിയമാനുസൃത വയസിളവ് ലഭിക്കും. അംഗീകൃത യൂണിവേഴ്‌സിറ്റിക്ക് കീഴിൽ ഏതെങ്കിലും വിഷയത്തിൽ ഡിഗ്രിയാണ് അടിസ്ഥാന യോ​ഗ്യത. 

അപേക്ഷിക്കേണ്ട വിധം? 

താൽപര്യമുള്ള ഉദ്യോഗാർഥികൾ കേരള പിഎസ് സിയുടെ ഔദ്യോഗിക വെബ്‌സൈറ്റ് സന്ദർശിച്ച് ജനുവരി 29ന് മുൻപായി ഓൺലൈൻ അപേക്ഷ നൽകുക. വൺ ടെെം രജിസ്ട്രേഷൻ ചെയ്യാത്തവർ അത് ചെയ്തും, അല്ലാത്തവർ തങ്ങളുടെ പ്രൊഫെെൽ സന്ദർശിച്ചും അപേക്ഷിക്കുക. 

NOTIFICATION

APPLY